Супер домашен ликер од грозје
Домашен ликер од грозје
Состојки:
1 килограм грозје по ваш избор
500 грама шеќер
1 лимон
1 мала лажичка цимет
1 литар ракија или вотка
100 милилитри вода
2 ќесички ванилин шеќер
Подготовка:
Секое зрно грозје убаво измијте го, а потоа пресечете го на половина. Добро измијте го лимонот и изрендајте ја кората, а сокот исцедете го.
Во поголема тегла ставете грозје, рендана кора од лимон, сок од лимон, шеќер, ванилин шеќер и цимет и сѐ убаво измешајте.
Смесата потопете ја со избраниот алкохол и со 100 милилитри ладна (зовриена и изладена) вода. Добро затворете ја теглата и оставете ја на темно и ладно место минимум 4 недели.
Потоа, процедете го ликерот и складирајте го во стаклено шише.
