Француските научници кои ја проучуваат физиката на шумливиот алкохол, дошле до еден интересен и необичен заклучок. Меурите кои излегуваат од отворена флаша шампањско се со брзина како летањето на авионите – пишува „Popular mehaniks“.
Тоа го идентификувале со помош на брзи камери снимајќи ги шишињата со шампањско чувани на различни температури, со цел да анализираат што се случува по вадењето на чеповите.
Во милисекунди по отворањето на шишето меурите се ослободуваат толку брзо формирајќи ударен бран наречен Махов диск, слично како што авионите и ракетите оставаат после нив.
– Наша цел беше да утврдиме што се случува по силната декомпресија на гасови веднаш по вадењето на плутата, а феноменолошката поврзаност со аероинжинерството е вистинско изненадување – изјавил физичарот Жерард Лижер од Унивирзитетот „Ремс“.
Колку брзо овие гасови се ослободуваат? Лижер вели дека меурите од шишето можат да достигнат брзина до Мах 2, односно двпати поголема брзина отколку звукот. Тие надзвучни гасови се поместуваат со екстремна промена на притисокот во шишето.
