Од кога судот донесе привремена одлука со која Александар Поповиќ (7,5) живее со татко му Милан Поповиќ (54), а не со мајка си Северина Коиќ (47), пејачката се повеќе ги истакнува семејните моменти и пораки на социјалните мрежи.
Таа пред 3 дена објави снимка на која се прегрнува со мајка ѝ Ана, после што нејзиниот тим и таа почнуваат да викаат „мама, мама…“
Снимката разнежни многумина, а детаљот кој малкумина го знаат е тоа дека Ана, после пораѓајот со Северина, била во кома дури 5 месеци.
„Била 5 месеци во кома после пораѓајот со мене, но преживеа и веднаш ме научи дека можа и да умре за мене, како и за својот син, но дека ќе биде многу посреќна доколку живее за нас. Ти благодарам за се мамо!“, напиша Северина неодамна.
Северина неодамна во јавноста сподели и информација дека нејзината мајка Ана секогаш знаела кога и на кој начин и треба, па така знаела дека ќе ѝ треба на ќерка си, неделата кога ѝ го одземале синот, затоа веднаш долетала од Сплит за Загреб.
Таа изјави дека дури сега, кога и самата таа е мајка, потполно разбира како нејзината мајка секогаш знаела што ѝ треба, без да каже било што.
