Ширакава, село сместено на јапонските Алпи, е популарно ширум светот поради идиличната атмосфера што ја создаваат карактеристичните куќи. Скриени меѓу високи планини и густи шуми се куќите кои се нарекуваат гасо-зукури, а се препознаваат по сламените покриви кои потсетуваат на склопени раце во молитва.
На секои дваесет години е неопходно да се замени сламата на покривите, па затоа не е невообичаено да се видат Јапонците со полни раце работа за да им помогнат на куќите да ги издржат студените зими со многу врнежи.
View this post on Instagram
Во почетокот на деведесеттите, ова бајковито село беше запишано на листата на светско наследство на УНЕСКО, поради што бројот на туристи нагло се зголеми. Мала рурална заедница со 1.600 жители годишно е домаќин на 2,15 милиони туристи од целиот свет.
Меѓутоа, во 2019 година властите одлучија да ги ограничат посетите со воведување листа на чекање за туристи, а следната година Ширакава повторно го разбуди интересот кога се најде на листата на најодржливи дестинации во светот.
View this post on Instagram
Покрај живеењето во хармонија со природата и избегнувањето на масовниот туризам, особено беа пофалени строгите мерки за заштита од пожари во јапонските села.
Бидејќи дрвените куќи со сламени покриви се чувствителни на пожар, жителите рутински го обоколуваат селото неколку пати на ден за да се заштитат од пожар.
View this post on Instagram
Кога во 2019 година избувна пожар во една од куќите, сите локални жители притрчаа на помош на пожарникарите да го одбранат селото од пожарот. Покрај тоа, во селото е забрането пушење за да се спречат несреќи.
View this post on Instagram
