Легендарниот бразилски фудбалер Роналдињо доби предупредување дека би можел повторно да заврши во затвор, бидејќи не ѝ го платил месечниот надоместок на својата поранешна девојка.
Роналдињо минатото лето заврши во парагвајски затвор бидејќи фалсификувал документи, додека сега го „притиска“ тоа што на Присила Коељо е должен да ѝ ги плати парите до 1 декември. Ако не го стори тоа, повторно ќе биде зад решетки.
View this post on Instagram
Присила порано беше во врска со Роналдињо, кој во тоа време наводно водел двоен живот со Беатрис Соуза, со која сакал да се ожени. Бразилецот тоа го негираше, но судот не беше на негова страна, пренесува „Телеграф“.
Таа го обвини дека води двоен живот и го доби на суд, а епилогот на сето тоа е казна од 18.000 долари што Роналдињо треба да ја плаќа секој месец за одреден период.
View this post on Instagram
Медиумите пишуваат дека во меѓувреме исчезнал и дека судот не можел да му врачи покана за тоа неплаќање, но наводно конечно го „фатиле“ кон средината на ноември.
