Поранешниот американски претседател Џорџ Буш веројатно се надевал дека оваа снимка ќе остане засекогаш во некојаси архива и никогаш нема да „исплива“.
Имено, објавено е видео на кое тој танцува на руска народна песна и се забавува заедно со Владимир Путин.
Забавата била снимена во Сочи во 2008 година, а Кремљ неодамна објави клипови по повод 20-те години власт на Путин.
На снимката може да се види и како Буш во одлично расположение се смее со својата сопруга Лора во друштво на Путин и срдечно претседателите се поздравуваат…
На заедничката прес конференција следниот ден, тогашниот претседател Буш рече: „Единствено сум среќен што новинарите не ме видоа како се обидувам да танцувам што од мене беше побарано“.
Путин пак одговорил: „Можевме да видиме дека сте брилијантен танчер“, а Буш додал „Нема да зборуваме повеќе за ова“, пренесува Euro News.
