– Како што најавивме и во следните денови времето во Македонија ќе се задржи променливо облачно и НЕВООБИЧАЕНО СТУДЕНО за овој период од годината. Ќе има и повремени локални врнежи од снег, а сево ова ќе биде проследено и со умерен, повремено засилен ветер од северен правец. Што се однесува до температурите, тие ќе бидат ЗНАЧИТЕЛНО ПОД ПРОСЕКОТ за овој период од годината, и минималните понекаде ќе се спуштаат дури до околу -15 степени. Максималните пак исто така ќе бидат МНОГУ НИСКИ И ќе се искачуваат во интервалот само од -3 до 6 степени – вели метео прогнозерот Славчо Попоски.
И во Скопскиот регион во следните денови времето ќе се задржи променливо облачно и СТУДЕНО со умерен, повремено засилен ветер од северен правец. Повремено ќе има услови и за провејување на снег. Минималните температури ќе се спуштаат во интервалот од -6 до -3 степени, додека максималните ќе се искачуваат во интервалот помеѓу 3 и 5 степени.
