Здравко Чолиќ (73) , еден од најпопуларните пејачи во регионот, неодамна купил стан во Пула. Инаку, пејачот поседува неколку луксузни недвижности.
Роден во Сараево, Чола се одлучил за имот во Марина Веруда, во една од новите згради што се градат како дел од атрактивен и луксузен проект лоциран на границата помеѓу марината и Пјешчана Увала, објави своевремена „Истарски.хр“.
Станува збор за пет згради сместени на ридот над марината што се извишуваат над заливот и од кои, дури и од пониските катови, има прекрасен поглед на бродовите, хотел „Хистриа“, „Веруда Порат“, Верудела, Пјешчана увала, Фратарски оток…
Станува збор за еден од најголемите и најскапите станбени проекти во Пула во последно време, а цената на становите е околу 5.500 евра по квадратен метар. Бидејќи се нудат и големи станови, конечните износи во некои случаи ќе изнесуваат и над половина милион евра.
Планирано е да се изградат околу 150 станови распоредени во пет згради. Пред две години, Чолиќ имаше концерт во Пулската арена, што многумина го поврзаа со фактот дека посакува да има стан во тој град.
