Најнежната фотографија од себе со синот ја објави пејачката Мими Јовановска од Велес, некогашната фаворитка во српското шоу „Ѕвездите на Гранд“.
Таа и нејзиниот сопруг, Филип Нуневски-Нуне во 2023 година го добија синот Никола, за кој и двајцата посветено се грижат.
– Мајчинството ме промени, не велам не, па сега имам за сè повеќе трпение од порано, а и многу, многу повеќе љубов. Никола дојде во вистинско време – рече Мими во разговор за „Слободен печат“.
– На почетокот како и на секоја мајка со прво дете, тешко беше додека си го фатиме редот. Добро е што тоа траеше малку денови, па лесно излегов на крај со нервозите.
Стравовите, како и секој родител, нормално е да ги имаме, но максимално се трудиме со Филип да му дадеме љубов и внимание – вели Мими.
