Пејачката Мина Блажев и инфлуенсерката Луна Стефановска го заменија секојдневието со есенско патување во Париз, а на Инстаграм споделија фотографии од заедничките мигови и впечатливите модни комбинации.
Од Шанз-Елизе до луксузни ресторани, двете пријателки покажаа дел од престојот во француската престолнина. Меѓу објавите се издвојуваат фотографиите направени на исто место, со осветлената Ајфелова кула во заднина.

За фотографирањето со парискиот симбол, Мина избра краток тегет свилен фустан, кој го комбинираше со црни хулахопки и високи потпетици. Едноставната комбинација ја стави во преден план елеганцијата на свилата.
Луна, пак, се одлучи за корсет и мини здолниште, надополнети со високи црни чизми. Двете понудија различни верзии на вечерен стајлинг, избирајќи кратки кроеви за излегувањето во Париз.
Нивното дружење продолжува и по неодамнешниот убав повод во животот на пејачката. Минатиот месец Луна беше меѓу гостите на прославата за веридбата на Мина, а сега заедно создаваат нови спомени од патувањето.
