Иранските власти денеска издадоа налози за апсење на две жени, откако видеото беше вирално на кое се гледа како маж ги полева со јогурт затоа што не носат хиџаб.
Инцидентот се случил во градот Машхад, во време кога шефот на иранското правосудство се заканувал дека „безмилосно“ ќе ги гони жените кои ги игнорираат строгите правила во земјата за покривање на главата, пренесува британски Телеграф.
На видеото се гледаат мајка и ќерка на шалтер во продавница.
Мажот, кој забележал дека не носат хиџаб, влегол во продавницата и се соочил со нив, а потоа им истурил јогурт.
Властите издадоа налози за апсење на две жени бидејќи, како што тврдат, „извршиле забрането дело“ со симнување на нивните шамии.
Распишана е и потерница за напаѓачот под обвинение за навреда и нарушување на мирот, објави веб-страницата за правда Мизан онлајн.
Remarkable video: An Islamist morality police in Mashhad, Iran pours yogurt over the heads of two women for not wearing hejab.
In a previous era the shopkeeper may have been afraid to intervene against government thugs, but times have changed in Iran. pic.twitter.com/4PWu4btPhl
— Karim Sadjadpour (@ksadjadpour) March 31, 2023
