Партнерката на фудбалерот Роналдо, Георгина Родригез, во интервју за шпанскиот „Телемундо“ се пожалила дека нивните деца искусиле физичко насилство на училиште во Саудиска Арабија.
„Има моменти на училиште кога децата ги удираат, а тие не се бранат“, рекла Георгина и потоа ја опишала ситуацијата.
„Пред некој ден ми дојде едното дете дома и почна да плаче, прашав што се случило и добив одговор:
„Ме удри дете“. Му реков: „Зарем не знаеш да се браниш?“, изјавила таа.
Георгина и Роналдо живеат по нови правила веќе еден месец, но манекенката неодамна го прекршила кодексот на облекување на вечера со својот вереник, појавувајќи се во кратко здолниште, поради што ѝ се заканува парична казна.
Шеријатот владее во Саудиска Арабија и жените се обврзани да го покриваат целото тело.
