Концертот на холивудската ѕвезда Кијану Ривс и неговиот бенд Догстар синоќа се одржа во Крагуевац во рамки на Арсенал фест пред многубројната публика, која со овации го поздрави појавувањето на бендот на сцената.
И покрај дождот, кој паѓаше до самиот почеток на концертот, настапот на Ривс го поздравија голем број млади луѓе од Крагуевац и од цела Србија, известуваат српските медиуми.
Иако се најавуваше дека Ривс можеби ќе потпишува стрипови, чиј автор е тој, а кои во Србија ги издава „Ситем стрипови“, тоа не се случи, па љубителите на стрипот залудно го чекаа познатиот холивудски актер кој се бави и со стрип-културата.
View this post on Instagram
