Актерката Џенифер Гарнер во средата во последната епизода од нејзиното сакано „шоу за готвење“ на социјалната мрежа „Инстаграм“ откри дека оваа година „речиси ја запалила кујната“.
На видеото е прикажан моментот кога работите тргнаа наопаку – избувна пламен кога Џенифер се обиде да го запали коњакот веднаш откако го стави во тенџерето.
Алкохолот пламна во огнена топка, при што пламенот за малку ќе допреше до таванот на кујната на Гарнер.
„Кога станува збор за традиција – сè што треба да направите за да дадете значење на истата е да ја задржите. Не знам кога почнав да го правам говедскиот бургуњон на Ина Гартен за Божик, но беше одамна. Мирисот на оваа совршена манџа ме прави да се чувствувам среќно, удобно и опуштено (до моментот кога речиси не ја запалив кујната). Можеби ова ќе има смисла за вашата новогодишна ноќ, но каде и да ве однесе патот овој викенд – ви посакуваме здрава, весела и мирна Нова Година“, напиша актерката.
View this post on Instagram
