Oбјавувајќи ја својата приказна на Инстаграм во средата, хитмејкерот на „Peaches“ сподели видео во кое може да ги движи двете страни на лицето.
Џастин не можеше да го направи тоа движење минатата година.
„Почекајте“, им напиша тој на своите 281 милион следбеници на платформата.
Во краткиот клип, Бибер ги мрда очите од страна на страна, ги крева веѓите и се насмевнува додека во позадина слуша „Ice T“ од Темс.
View this post on Instagram
Рамзи Хант синдромот се карактеризира со болен осип во близина на увото, на лицето или на устата.
Џастин откри дека боледувал од синдромот од минатиот јуни. Во тоа време, двократниот добитник на Греми рече дека за опоравувањето „ќе биде потребно време“ и дека се бара од него да прави различни вежби за лице. Дијагнозата го натера да ги одложи датумите за неговата светска турнеа „Justice World“ минатата година.
„Сакав да споделам малку за тоа како се чувствувам. Секој ден станувам подобар“, објасни тој во видеото на Инстаграм.
Бибер истакна дека неговата „перспектива“ исполнета со вера за неговата здравствена ситуација му дала „мир за време на оваа ужасна болест“.
„До овој момент во мојот живот сфаќам дека бурите доаѓаат и си одат“, напиша тој на објавата, додавајќи дека „Исус продолжува да ме потсетува дека е со мене среде бурата“.
Пејачот беше забележан како присуствува на забавата на Оскарите во неделата навечер.
