22.8 C
Скопје
15:16 - 28 март, 2024

(ВИДЕО) ДЕДО МРАЗ СЕ БАКНУВА СО МАЖ: Љубовната приказна во оваа божиќна реклама ќе ве воодушеви

Божиќната реклама на норвешката поштенска служба „Постен“ многумина веќе ја нарекуваат  реклама на годината, а предизвика бројни реакции на социјалните мрежи со тематиката, содржината и симболиката.

Рекламата е направена по повод 50 години декриминализација на хомосексуалноста во Норвешка.

Рекламата го прикажува раѓањето на љубовта помеѓу маж по име Хари и Дедо Мраз. Насловот на рекламата е „Кога Хари го запозна Дедо Мраз“, на англиски „When Harry Met Santa“ со што се прави алузија на популарниот филм „Кога Хари ја запозна Сали“. Приказната ја следи првата средба, кога еден човек случајно го „фаќа“ Дедо Мраз како му остава подароци, а потоа секоја година нетрпеливо чека повторно да го види.

Двојката секоја година се зближува за време на кратки божиќни состаноци и се разделува до следната. Во еден момент разделбата станува многу сурова и Хари плачејќи по заминувањето на Дедо Мраз пишува: „Ќе ми недостигаш“. Следната година, тој му пишува писмо на Дедо Мраз со порака: „Сè што сакам за Божиќ си ти“ или на англиски „All I Want for Christmas is You“, во нова алузија на божиќниот хит на Мараја Кери.

Следната сцена го прикажува Хари како го чека Дедо Мраз покрај каминот кога одеднаш слуша ѕвонче. Подароците му ги доставува поштенската служба „Постен“. Кога се враќа во дневната соба, го затекнува Дедо Мраз како му вели „Па, договорив помош оваа година…за да бидам со тебе“, по што ги спојуваат усните во бакнеж.

„Во 2022 Норвешка слави 50 години како можеме да сакаме кого што сакаме“, е напишано во пораката на крајот од рекламата.

Рекламата е прегледана стотици илјади пати на „YouTube“, а многумина ја споделуваат на социјалните мрежи, проследена со воздишки и многу позитивни коментари.

 

Слични објави

(Фото+видео) Теодора Џехверовиќ првпат „уловена“ со новиот дечко: Пејачката ужива во љубовта со познат кошаркар

Еспресо

Прва објава на Тони Бијелиќ за разводот со Драгана и неговата љубовница: Отсекогаш сум бил чесен и достоинствен!

Еспресо

Богатството на Драгана Мирковиќ се проценува на 100 милиони! Од имотот, бизнисите и автомобилите на пејачката и Тони ќе ви се сврти во глава

Еспресо

„Официјално сум разведен“, Харис Џиновиќ излезе од суд и порача: Мелина е никаква, не простувам неверство!

еспресо

Големо изненадување: Пет хороскопски знаци кои ќе доживеат драстични промени во април

еспресо

(Фото) Саудиска Арабија за првпат на Мис Универзум: Оваа убавица го направи историскиот чекор

еспресо
Се вчитува....