Во спотот за нејзината нова песна, баладата „Marry Me“, која ја изведува со Малум, Џенифер Лопез повторно го ангажирала своето момче, Бен Афлек.
„Се чувствувам многу среќна, среќна и горда што сум со него“, изјави неодамна Џенифер Лопез за магазинот „People“, а во своето последно видео покажа дел од својот живот зад сцената.
Баладата „Marry Me“ („Омажи се за мене“) може да се слушне во романтичната комедија во која Лопез ја има главната улога, а во новото видео на фановите им дава увид во својот секојдневен живот, од проби и подготовки за настапи до нежни моменти со саканиот маж. Афлек се појавува во спотот, но многу суптилно, така што лицето воопшто не му се забележува.
Ова не е прв пат Афлек да се појави во спот на неговата избраничка. Пред точно 20 години тој се појави во спотот на Џеј Ло за нејзиниот хит „Jenny From the Block“, во кој таа прикажува ситуации од нејзиниот живот, од одмор на јахта до нежни моменти со актерот, а сето тоа се одвива под будното око на папараците, кои тогаш деноноќно ги следеа.
