„Некогаш го прашував зошто живееме во толку несигурна куќа, вредна 40.000 долари, каде што соседите не снимаат, нема осигурување, а јас јадам путер од кикирики осум дена по ред“, откри канадската музичарка Грајмс, поранешната девојка на Илон Маск, која за животот со милијардерот зборуваше за Vanity Fair.
-Тој не се однесува како милијардер. Некогаш живее под прагот на сиромаштија – раскажува Грајмс, додавајќи дека Маск порано не сакал да купи ниту нов душек бидејќи „не сакал да троши пари“, па стариот душек го замениле со душек од нејзината куќа.
Грајмс вели дека најголем дел од парите маск ги вложува во нови проекти.
„Многумина би рекле дека тоа е глупаво, но тој ја прави вистинската работа“, изјавила музичарката.
Маск и Грајмс започнаа врска во 2018 година, а во 2020 година го добија синот X Æ A-Xii. Двојката неодамна тајно доби второ дете, ќерката Екса Дарк Сидерел, а по објавувањето на веста повторно раскинаа.
„Веројатно и понатаму би го нарекувала дечко, но ние сме многу флуидни. Живееме во посебни куќи. Ние сме најдобри пријатели. Се гледаме цело време. Имаме само нешто што не очекувам другите луѓе да го разберат“, вели Грајмс.
