Весна Петрушевска на својот инстаграм-профил го искара познатиот диџеј поради објавата за Панчо од „ДНК“.
Диџејот, кој е еден од најпопуларните кај нас, раскажа за несогласувањата што ги имал со Панчо и рече дека му е многу жал што починал.
Станува збор за диџеј Мац кој на својот инстаграм-профил напиша: „Имавме несогласувања, но за ова, ептен ми е жал“.
Оваа негова објава ја прекори актерката Весна Петрушевска која на својот инстаграм-профил напиша: „Кога изразуваш сочувство не пишуваш вакви глупости. Инаку, ми го пратија сторито, Боже Господе, смилуј се“, напиша Весна.
Пред три години, Панчо и диџеј Мац имаа несогласувања кои ги објавија на социјалните мрежи поради различни мислења.
„Отиде и Панчо… го обвинивме, а беше невин. Само си ја сакаше својата работа. Трчаше, како и сите ние, за парче леб. Работеше многу, многу… сам ги договараше свирките, сам пишуваше, одеше по студија. Имаше сетови, беше диџеј, беше многу вреден. Многу сакаше да чита книги“, напиша Весна Петрушевска во своето збогување од Панчо.
