Со овој потег, лидерот на лабуристите Кир Стармер бара итна оставка на Џонсон, исто така, како премиер. За предлогот ќе се гласа утре.
Британската Лабуристичка партија денеска ќе поднесе барање за недоверба на владата на Борис Џонсон, а гласањето е закажано за утре, среда.
Ќе биде потребно просто мнозинство за предлогот да помине.
Овој потег ги става конзервативните пратеници во ситуација да треба да изберат дали ќе му веруваат на Џонсон или ќе гласаат против сопствената влада, ризикувајќи да го соборат од власт и – подвлекува Скај њуз – спречувајќи следниот партиски лидер да биде и следниот премиер. Доколку се одобри недовербата, би можеле да следуваат општи избори, но британските медиуми нагласуваат дека тоа не е сигурно сценарио.
Со овој потег, лидерот на лабуристите Кир Стармер, во суштина бара итна оставка на Џонсон дури и како премиер, без да се чека изборот на нов лидер на ториевците на негово место, што се очекува да биде назначен на 5 септември, пренесува раињуз.
