Младата актерка Флоренс Пух на многу дипломатски начин им одговори на сите кои од петокот и испраќаат вулгарни забелешки за, како што самата ги опиша, „нејзините две слатки брадавици“.
Британската ѕвезда на филмот „Black Widow“ од 2021 година на минатонеделната ревија на Валентино во Рим носеше розов фустан од тул, која во прв план ги стави нејзините гради.
View this post on Instagram
Оттогаш, Пух не може да се одбрани од непримерни коментари, а повеќето од нив се упатени на сметка на нејзиното „скромно“ деколте. Како што појасни на социјалните мрежи, каде што започнала вистинска пресметка околу прашањето за големината на градите, некои од мажите и пишуваа дека требало да и биде непријатно затоа што е „рамна како даска“.
Зеленооката убавица, сепак, не дозволила да биде испровоцирана, туку јасно и кратко им одговорила на истите тие мажи кои ги нарече „сексистички тролови“.
„Пораснете!“, им порача 26-годишната Флоренс, а во продолжение на објавата на оваа тема појасни дека е горда на своите мали гради. Но, напишала и дека сите мажи кои ја прозиваат поради големината треба да се запрашаат зошто толку се плашат од женските гради.
View this post on Instagram
– Долго време живеам во своето тело и целосно сум свесна за големината на моите гради. И на ваше разочарување, морам да ви кажам дека моите две слатки мали брадавици ни малку не ма измачуваат. Напротив! Но, се прашувам зошто сите толку се плашите од градите? Мали? Големи? Округли? Рамни? Треба да се запрашате. Затоа што тоа е проблемот, а не моите мали гради – нагласи актерката, додавајќи дека била свесна дека фустанот на Валентино, кој е целосно проѕирен во горниот дел, ќе предизвика реакции.
– Сите знаевме што правиме. Сепак, воопшто не ми е жал и не се чувствувам лошо поради овие негативни коментари. Уште еднаш се покажа колку на некои мажи им е ласно да се нафрлат на жена и да се обидат да ја понижат поради нејзиниот физички изглед – заклучи Флоренс, порачувајќи им на сите жени да не дозволуваат еден куп непознати да им кажуваат дека нешто не е во ред со нивното тело.
