Младата музичка ѕвезда Анастасија Ражнатовиќ уште еднаш покажа дека максимално води сметка за својот изглед и за здравиот начин на исхрана. Таа на својот Инстаграм профил ги сподели деталите од својот омилен летен оброк кој ѝ помага да ја одржи беспрекорната линија.
Станува збор за голема чинија полна со свеж зелен зеленчук, прелиен со половина исечено авокадо, сечкан манго, јагоди, крцкави ореви и балзамико крем. Покрај оваа енергетска бомба, на нејзината маса се најдоа и моцарела кугли во маслиново масло и малку интегрален леб, што го прави оброкот совршено балансиран.
„Процесот на слабеење кај мене траеше долго, две до три години, и оттогаш ми остана страв да не се вратам на старо. Затоа, штом забележам дека сум качила некој килограм, веднаш внимавам. Ги исфрлив нездравите намирници, јадам готвена храна, а рестораните и брзата храна ги заобиколувам во широк лак“, откри претходно Анастасија, која како тинејџерка имала проблем со вишокот килограми.
Таа додава дека доколку некогаш си дозволи да касне нешто слатко, веднаш оди на напорен тренинг за да ги согори калориите, бидејќи редовното вежбање е клучот за добриот изглед. Нејзиниот златен совет за сите што сакаат да ослабат е секој пат кога ќе почувствуваат глад, прво да испијат една чаша вода со лимон за да го излажат желудникот и да добијат чувство на ситост.
