Актерката Деми Мур по разводот со третиот сопруг Ештон Качер не откриваше многу за својот љубовен живот, а беше поврзувана со многумина. Американските медиуми сега тврдат дека е во врска со успешен Швајцарец кој се дружел со Меган Маркл и Лорен Пауел Џобс.
Магазинот Пејџ Сикс открива ексклузивна приказна за новата љубов на 59-годишната актерка Деми Мур. Убавата бринета наводно е во врска со успешниот швајцарски готвач Даниел Хум, сопственик на синџир ресторани ширум светот.
View this post on Instagram
Парот беше фотографиран на почетокот на март во првите редови на ревијата на модната куќа Клои за време на модната недела во Париз. Тие биле снимени заедно и додека го напуштале истиот хотел во кој престојувале.
„Тие се многу вљубени и тоа им е вистински предизвик во моментов. Даниел работи многу напорно, држи долги смени во неговиот ресторан Eleven Madison Park, но сепак наоѓа време за Деми. Таа често му се придружува на романтични вечери во ресторанот“ откриваат извори блиски до парот.
View this post on Instagram
Инаку, познатиот готвач е сопственик на елитните ресторани NoMad ширум светот, како и на Davies and Brook во Лондон. Пред три години го поврзуваа со вдовицата на Стив Џобс, но не е јасно кога точно тој и Лорин Пауел Џобс ја завршија романсата.
Успешниот Швајцарец често беше забележуван во друштво на Меган Маркл пред таа да се омажи за принцот Хари, а сега задоволство најде во прегратките на 13 години постарата холивудска актерка.
Ова не е прв пат Мур да се вљуби во помлад маж. Пред Хум таа осум години беше во брак со 15 години помладиот Ештон Качер. Претходно долго време беше во брак со актерот Брус Вилис, со кого има три ќерки, и се уште се во одлични односи.
Пред да го запознае Вилис и да основа семејство со него, Деми пет години беше во брак со музичарот Фреди Мур.
View this post on Instagram
