Демо-изведбата на песната „Црни лабуд“, во која гласот на Теодора Џехверовиќ се слуша како првична верзија на баладата, предизвика вистински хаос на социјалните мрежи откако се појави на платформата „Икс“. Песната официјално беше објавена неодамна на новиот студиски албум „Мама“ на поп-ѕвездата Наташа Беквалац.
Веднаш започна расправа меѓу корисниците – кому повеќе „му прилега“ баладата, на Теодора или на Наташа. По вревата на социјалните мрежи, Теодора првпат се огласи по слетувањето на аеродромот „Никола Тесла“, враќајќи се од настап во дијаспората.
Пејачката накратко прокоментира:
„Тоа е песна на Наташа Беквалац. Во тој момент мислев дека не треба да биде на мојот албум, но не сакам да навлегувам. Нејзината верзија е прекрасна, Наташа ја изнесе како што треба. Таа ја заврши работата одлично.“
Наташа Беквалац сè уште нема дадено изјава по повод целата полемика.
