Почина хрватската танцовата ѕвезда и пејачка од 90-тите Даворка Ручевиќ, попозната како Касандра. Ручевиќ почина на 54-годишна возраст.
Касандра последен пат се појави во јавноста во 2007 година на роденденот на поранешниот менаџер Владимир Михаљек Миха во хотел во Загреб. Таа се искачи на врвот на сцената со хитовите „Nisi ti jedini na svetu“, „I Got A Feeling“ и преработка на песната „Sladoled“ од Јасенка Хоура.
„Вечерта заспа и не се разбуди… Многу ми е тешко, во моментот се наоѓам кај пријателка, не можам да бидам сама. Вечерта се бакнавме и се прегрнавме, секоја отиде во својот стан и утредента повеќе ја немаше“, изјавила мајката на Касандра, Даринка за „Загреб.инфо“.
Кога се повлече од сцената, во јавноста кружеа секакви приказни. Нејзината мајка Даринка ги демантираше гласините велејќи дека нејзината ќерка не се крие, туку живее повлечено.
„Се повлеков од сцената затоа што веќе не сакав да бидам во јавноста и да привлекувам внимание. Имав ендометриоза, не можев да одам, да договорам кафе со пријателка. Не одев на скијање или пливање 20 години. И зошто да бидам позната по моите приватни работи“, изјави Касандра во јануари 2021 година, пишува „24SATA“.
