Пејачката Тања Савиќ имала закажан настап во Сплит кој морала итно да го откаже. Како причина навела нарушена здравствена состојба.
Имено, Тања Савиќ се огласила на својот профил на Инстаграм и ги загрижила своите следбеници со објава.
„Поради здравствени причини, настапот во Сплит ќе биде откажан. Ви благодарам на разбирањето“ – напишала Тања Савиќ.
Тања неодамна зборувала и за закажаниот концерт во Сплит.
„Ги закажавме концертите во Сплит, ќе има регионална турнеја, но што се однесува до моите настапи не сум толку упатена, се трудам да не ме боли глава. Опуштена сум, имам луѓе кои го работат тоа наместо мене. Имав семејни обврски, бев со децата. Задоцнивме за свадбата со Муки! По четири и пол години заеднички живот тоа и не е толку важно. Хартијата не е важна. Важен е мирот, среќата што ја чувствувате кога сте заедно“ – изјавила за „Блиц“.
Таа се осврнала и на информацијата дека нејзината колешка Мина Костиќ била примена во болницата „Лаза Лазаревиќ“.
„Информирана сум, но не знам точно што се случува. Можеби жената само отишла кај психолог или психијатар. Задржана е 30 дена? Душа моја, ми е жал. Нејзината душа знае што е тоа, што се крие зад тоа. Ја сакам многу, навистина ми е жал, мора да има добра поддршка околу себе. Најчесто најмногу нè повредуваат најблиските“ – изјавила Тања Савиќ со солзи во очите.
