Пред повредата се подготвувала за пат.
Софија Лорен, познатата италијанска актерка која на 20 септември наполни 89 години, се лизнала во бањата и паднала во својот дом во Женева, пишува италијанскиот весник „Кориере дела сера“.
Извор близок до весникот наведува дека Лорен веднаш била пренесена во болница за да биде прегледана и дијагностицирана ѝ е со фрактура на бутната коска. Поради тешката повреда таа морала да биде оперирана.
– Софија попладнето е оперирана со позитивен исход, сега ја чека рехабилитација – вели изворот.
Непосредно пред повредата, италијанската дива се подготвувала за патувањето и за отворањето на четвртиот ресторан кој го носи нејзиното име во Италија.
