– До понеделник времето во Македонија ќе се задржи стабилно, суво и сончево со умерена локална облачност. Температурите ќе се искачуваат во интервалот од 21 до 26 степени, додека наутро ќе биде релативно студено и температурите понекаде ќе се спуштат до околу 0 степени.
Од вторник па натаму ќе има зголемена облачност и ќе има појава на повремени локални врнежи од дожд. Температурите ќе бележат тенденција на незначителен пад и истите ќе се искачуваат во интервалот од 17 до 24 степени.
Во Скопје и околината исто така до понеделник времето ќе се задржи стабилно, суво и сончево со умерена локална облачност. Од вторник па натаму ќе има зголемена облачност и ќе има услови за појава на повремен локален дожд. Температурите ќе се искачуваат во интервалот помеѓу 23 и 25 степени, вели метеопрогнозерот Славчо Попоски.
