Метеопрогнозерот Славчо Попоски најавува дека поради силното јужно воздушно струење низ Македонија ќе имаме НЕВООБИЧАЕНО ВИСОКИ температури на воздухот кои ќе се искачуваат во интервалот од 12 до дури 19 степени.
Ако се прашувате кои се тие два дена кои ќе бидат топли и кои треба максимално да ги искористите, еве го одговорот од Попоски.
– Денес и утре. Исто така денес ќе има преодно стабилизирање на времето и повеќе сончеви периоди, додека во текот на ноќта кон утрешниот ден и утре се очекуваат нови повремени локални врнежи од дожд.
Потоа од недела па натаму температурите ПОЗНАЧИТЕЛНО ќе опаднат а ќе дува и северен ветер, но ќе биде претежно стабилно и суво. Детална анализа околу ова следува наскоро.
Во Скопје исто така ќе биде НЕВООБИЧАЕНО ТОПЛО за овој период од годината, но и ветровито а услови за повремен локален дожд ќе има утре. Температурата овие денови ќе се искачува до дури 15 степени, вели метеопрогнозерот Попоски.
