Џони Деп накратко пак стана капетан Џек Спароу за да ја исполни желбата на болното детенце, 11-годишниот Кори.
По тој повод му испрати специјална порака која момчето ја објави на својот канал на Јутјуб.
– Капетане Кори, знам дека си многу популарен на Јутјуб. Мило ми е што го заследив твојот канал и ќе им кажам на моите пријатели да го сторат истото. Ти ја посакувам сета среќа. Јас сум твојот најголем обожавател. Многу те почитувам и ти испраќам љубов – му рекол актерот.
Деп телефонски разговарал и со болно момче кое имало две трансплантации на срце и е на интензивна нега.
Кори пак, во овие денови се труди да остане позитивен и затоа редовно објавува видеа, а вели дека му е цел да собере 100. 000 следбеници на Јутјуб и да ја добие Silver Play Button наградата.
