– Во следните денови, под влијание на стабилна и сува воздушна маса, времето во Македонија ќе биде претежно стабилно, суво и сончево со мала локална облачност. Ќе дува слаб до умерен ветер од северен и од североисточен правец и истиот повремено на некои места ќе засилува на интензитет. Температурите ќе се искачуваат во интервалот од 24 до 31 степен. Во Скопје и околината времето ќе биде претежно стабилно, суво и сончево со мала локална облачност. Ќе дува слаб до умерен ветер од северен правец, и истиот повремено ќе засилува на интензитет. Температурите ќе се искачуваат во интервалот помеѓу 27 и 30 степени.
НАЈАВА: Според најновите анализи со кој ние располагаме, веднаш после 15 јули нашатаа територија ќе биде зафатена од нов бран на МНОГУ ТОПЛА воздушна маса од Африка и од МНОГУ ВИСОКИ температури на воздухот. Температурите веднаш по 15 јули на многу места ќе надминуваат 30 степени, а во најтоплите предели истите ќе се искачуваат и до 40 степени. Ув – индекост повторно ќе има ЕКСТРЕМНО ВИСОКА вредност. Многу подетални информации околу ова ќе имаме во деновите кои се пред нас – вели метео прогнозерот Славчо Попоски.
