Марија Шерифовиќ целосно ужива во мајчинството, а неодамна сподели симпатичен момент со својот двегодишен син Марио, откривајќи дека тој веќе знае да направи и по некоја палавштина.
Пејачката објави фотографија на која лежи на кревет со синот, додека со едната рака држи слика од ѕидот која Марио ја бутнал.
Покрај објавата, Марија додаде и коментар – зборовите на нејзината мајка Верица, која со насмевка го заштитила внукот:
– Баба вели: „Здраво машко дете.“
Да потсетиме, Шерифовиќ неодамна му го честиташе роденденот на својот син, роден на 2 декември, со емотивна порака во која истакна колку тој ѝ го променил животот.
– Сине мој, моја најголема радост. Денес славиме заедно. Го славиме твојот мал живот и мојот втор роденден, откако сум избрана токму јас да бидам твоја мајка. Мое нежно, плаво момче, колку ни ги промени животите на сите. Колку нè учиш на сè, иако си толку мал. Ти благодарам што дојде токму кај мене, за повторно да ме научиш како се живее – напиша пејачката.
