Шкотска стана првата земја во светот која ги направи производите за менструација бесплатни. Хигиенските влошки и тампони ќе бидат достапни во аптеките, социјалните и младинските центри, училиштата и универзитетите за „секој на кого му требаат“ и без да платат ништо.
Законот, претставен од лабуристичката пратеничка Моника Ленон, беше одобрен едногласно и има за цел да стави крај на „менструалната сиромаштија“, односно циклусната сиромаштија:
„Постои многу едноставен начин да се опише циклусната сиромаштија – рече Џорџи Николсон од „Хеј Грл“: одите во самопослуга и всушност треба да изберете дали можете да купите храна или кутија хигиенски влошки. Многу мајки се принудени да се откажат од хигиенски производи само за да можат да ги прехранат своите деца“.
Алтернативите како крпи и марамчиња, наместо употреба на влошки, може да предизвикаат сериозни, па дури и фатални ризици по здравјето.
