Јована Јеремиќ и Воја Милошевиќ се венчаа во мај 2018 година, во период кога веќе со нетрпение ја очекуваа ќерката Леа. Иако нивната љубовна приказна изгледаше идилично, тогаш се заборуваше дека водителката наводно се омажила „од интерес“, верувајќи дека успешниот бизнисмен ќе ѝ обезбеди стабилен и лагоден живот.
Гостувајќи во една емисија, Јована денес се наврати на тие шпекулации и недвосмислено истакна дека не само што не се вистинити – туку и дека вистината е целосно спротивна.
„Тоа беа муабети, но не – тоа не беше вистината. Јас точно знаев што е Воја и колку вреди. Тој во Пирот беше многу успешен, имаше сè – куќа, стан во центарот, викендица, работа, ‘среден живот’, па дури и девојки. Таму важеше за голем заводник. Среќа што не знаев тогаш“, изјави Јеремиќ.
Според неа, токму Милошевиќ бил тој кој жртвувал сè за нивната љубов.
„Сè остави и дојде во Белград со една торба. Ми рече: ‘Можам да дојдам, но почнувам од нула. Тука немам пари, позиција… но ќе почнам да градам.’ Јас му реков: ‘Договорено.’ И дојде поради мене“, раскажа водителката во „Шок ток“.
Почетоците во 20 квадрати и „љубов од чиста намера“
Јована се сети и на скромните почетоци на нивниот живот во Белград.
„Живеевме во 20 квадрати, во Прве пруге. Никогаш нема да го заборавам тој стан – таму почна сè, таму е зачната Леа“, откри Јеремиќ.
Според неа, клучот бил во тоа што Воја не се колебал ниту за момент.
„Да се плашеше, како некои други мажи во мојот живот, ќе си кажеше: ‘Што ќе биде со мене ако го оставам?’ Но тој рече: ‘Ја сакам таа жена и ќе дојдам кај неа.’ И каде е денес? На врвот. Бог го благослови затоа што постапи чесно“, додаде таа.
Често, дури и денес, Јована го нарекува „витез“ и „прв, а не поранешен сопруг“.
Развод, но и понатаму семејство
Двојката се разведе спогодбено во март 2022 година, но останаа во одлични односи. И понатаму заедно ги слават важните датуми и си се поддршка во секојдневниот живот. Нивната ќерка Леа живее со Јована, но има прекрасен однос и со татко ѝ.
Во врска со алиментацијата, Јеремиќ нагласи дека Воја редовно ја плаќа.
„На суд барав минимален износ, а тој од почит секогаш дава повеќе“, откри таа.
„Тој е мојата икона на ѕидот“
Во емисијата, Јована искрено зборуваше за тоа како го гледа Воја:
„За мене тој е витез, моја икона на ѕидот. Се ожени со мене како водителка на ријалити, за која многумина мислеа дека е луда. Но тој знаеше дека сум хиперинтелигентна и дека ќе бидам најголемата ѕвезда во Србија. И не погреши. Ме испочитува во секој поглед – веридба со 100 гости, свадба, дете… Сè како што треба“, заврши Јеремиќ.
