Барбара Бобак е „заробена“ со бендот и колегата Слоба Радановиќ на аеродромот, каде што е задржана без никакво објаснување. Како што дознава „Телеграф“, неа и Слоба ги задржале веднаш по слетувањето на аеродром во Шведска, а аеродромот не го напуштиле ниту по 8 часа.
Барбара заедно со колегите била задржана на пасошка контрола, по што почнале едно по едно да ги внесуваат во просторија каде што ги испрашувале.
Таа сега се огласи на социјалните мрежи, поточно на Инстаграм, и ја покажа просторијата во која се наоѓа.
„Мојот кревет за вечерва“, напиша таа.
„Никому не му е јасно за што станува збор, затоа што луѓето имаат сите дозволи и апсолутно се документиранo чисти и исправни. Барбара одамна требаше да биде на тонска проба, затоа што концертот е распродаден, а вечерва требаше да пеат пред повеќе од 1.000 луѓе. Сè уште не добиле никакво објаснување“, вели нашиот извор.
„Ги одведоа во некоја специјална просторија каде што чекаат некој да им објасни што се случува. Сите документи им се уредни, сè оди регуларно преку фирма, не се знае какво би можело да биде објаснувањето за ова малтретирање цел ден“, додава соговорникот.
Нашиот тим ја повика Барбара, а таа рече дека ќе се јави кога ќе им биде објаснето за што станува збор.
„Не можам ништо да кажам, затоа што ништо не знаеме. Се надевам дека наскоро ќе добиеме рационално објаснување“, накратко изјави таа.
