Жената која е клучна во судењето на Ар Кели (55), во четвртокот сведочеше пред судот во постапката против пејачот. Во 2008 година одбила да сведочи поради заканите што ги добивала. Сега таа се огласи и изјави дека пејачот имала секс со неа стотици пати пред да наполни 18 години. Првата врска ја започнале кога таа имала 15 години, но веќе кога се запознале, две години пред тоа, почувствувала чудна атмосфера меѓу нив, пишува Јутарњи.
Џејн, псевдоним за сега 37-годишната жена, на судењето на Р. Кели за детска порнографија и попречување на правдата, кажала дека кон крајот на 1990-тите, кога имала 13 години, побарала од пејачот да ѝ биде кум бидејќи таа била инспирирана од неговата кариера. Неколку недели подоцна, Кели спомнал сексуални работи во разговорот.
Тој првпат почнал да ја допира кога имала околу 14 години во студио за снимање во Чикаго, сведочеше таа. Џејн рече дека имала 15 години кога првпат имале секс. Кели тогаш имаше околу 30 години.
На суд во четвртокот, Џејн откри дека првпат го запознала Кели кога имала 13 години. Во тоа време таа била во бенд, а Кели, пријател на нејзината тетка, присуствувал на една од нивните шоуа и ѝ давал комплименти.
– Се чувствував среќна што толку успешна личност рече дека сум надарена, па бев возбудена, сведочела Џејн, пишува Чикаго Трибјун.
Таа рече дека нејзината тетка потоа ја советувала да го замоли Кели да ѝ биде кум, објаснувајќи како и рекла дека треба да му седне во скут и да го допира за време на разговорот. Наскоро врската станала сексуална, тврди Џејн, и тој почнал да води со неа експлицитни телефонски разговори.
Кога наполнила 15 години, вели таа, почнале да имаат секс, а на прашањето на обвинителот од каде ја знае точната возраст, Џејн одговорила дека тогаш ја изгубила невиноста. Оттогаш, рече Џејн, тие имале секс во неговиот дом на улицата Вест Џорџ, во неговото студио за снимање во Неар Вест Сајд, во автобуси за време на турнеи и во хотели. На прашањето колку пати имале секс пред да наполни 18 години, таа тивко одговорила дека тоа е повеќе од сто пати.
Во 2008 година, Кели беше обвинет пред федералниот суд во Чикаго за злоупотреба на малолетник за секс и производство на детска порнографија. Обвинителите велат дека Кели и се заканувал на Џејн и на нејзиното семејство за да се осигура дека нема да сведочи против него на судењето.
Кели сега отслужува 30-годишна затворска казна за неговото осудување во Њујорк на почетокот на оваа година поради други федерални обвиненија дека ја користел својата слава за сексуално напаѓање обожавателки во текот на неколку децении.
На судењето во Чикаго, кое се очекува да трае околу еден месец, треба да сведочат и две други малолетни жртви.
За разлика од судењето во 2008 година, Џејн сега е клучен сведок.
За сексуално и психичко злоставување жени: Пејачoт Ар Кели осуден на 30 години затвор
