Шерон Стоун ги шокираше своите фанови кога на социјалните мрежи откри дека има тумор кој треба да се отстрани.
Актерката сподели свое мислење на Твитер со детали за нејзиното болничко искуство, кое вклучувало и хируршка грешка и погрешна дијагноза.
„Само што имав уште една погрешна дијагноза и неправилна процедура“, напиша таа, а потоа откри дека има тумор.
Потоа објаснува. „Овој пат двојна епидурална. Како што болката се влошуваше, отидов на второ мислење: имам голем фиброиден тумор кој треба да се отстрани“.
— Sharon Stone (@sharonstone) November 1, 2022
Актерката потоа испрати важна порака. „Особено дами: не се преправајте дека не е важно, земете второ мислење. Тоа може да ви го спаси животот“.
„Ќе ми требаат четири до шест недели за целосно да закрепнам. Ви благодарам на сите за грижата. Сè е добро“, заклучила таа.
Нејзините фанови одговорија со бројни пораки за поддршка и добри желби.
