Новиот документарен серијал на Нетфликс „Хари и Меган“ предизвика бурни реакции во јавноста. Многумина Британци серијата ја нарекоа „Американско пропагандно ѓубре“, а Хари и Меган се на удар на критики поради искористување на целата приказна за напуштањето на кралското семејство за лична и финансиска корист.
Минатиот четврток беа објавени првите три епизоди од серијата, во кои парот раскажа се за нивната врска, од самите почетоци до болните моменти со кои морале да се соочат.
Who was late for their first date? Harry & Meghan. Volume I: Now Streaming. pic.twitter.com/SEv8AqGZhR
— Netflix (@netflix) December 8, 2022
Според странските медиуми, Хари и Меган добиле 100 милиони долари за снимањето на серијата. Но, тоа е само дел од нивната заработка поради откривање на приватноста.
Откако решија да ги напуштат своите должности во кралското семејство, Меган и Хари со различни издавачки куќи имаат потпиѓано различни договори за огромни суми само за да ја раскажат својата приказна. Затоа, тие ги основаа медиумските компании „Archwell Audio“ и „Archwell Productions“, а Меган под нејзината продукциска агенција го лансираше подкастот „Archetypes“ на Спотифај, за кој доби 18 милиони долари за тригодишно снимање.
Покрај тоа, Хари потпишал договор вреден 20 милиони долари за објавување на неговите мемоари кои се очекува наскоро да излезат во продажба.
