Портпаролот на Кремљ, Дмитриј Песков е убеден дека српскиот актер Милош Биковиќ, по одлуката на американскиот ТВ канал HBO да го раскине договорот со него за снимање на третата сезона на серијата „Белиот лотос“, ќе има уште многу други интересни улоги.
„Сигурен сум дека ќе има многу други интересни понуди“, изјави Песков.
Тој додаде дека, кога станува збор за HBO, тоа е „приватна компанија која избира кого да вработи“.
Песков не сакаше да коментира подетално, велејќи дека темата не е работа на Кремљ.
Да потсетиме, српскиот актер Милош Биковиќ, исто така популарен во Русија, нема да игра во третата сезона на американската ТВ серија „Белиот лотос“ од причини кои, како што рече, излегуваат од опсегот на уметноста.
