Сакате да имате пастелно зелени велигденски јајца? Тогаш одлучете се за природен начин на боење со спанаќ. Едноставно е, а бојата е нежна.
Се што ви треба за овој начин на фарбање е: спанаќ, оцет, вода, сол и тегла. И секако јајца.
Варете три шолји сецкан спанаќ во две шолји вода околу 10 минути и додадете една кафена лажичка сол. Потоа извадете го спанаќот и истурете ја водата во која сте го зготвиле во тегла, па додадете една лажица оцет. Потоа во теглата ставете ги варените јајца (количината што ја сакате) и ставете ги во фрижидер. Оставете ги во фрижидер најмалку 12 часа, а доколку сакате поинтензивна боја оставете да отстојат најмалку 24 часа. Кога ќе ги извадите јајцата од теглата, избришете ги со крпа и оставете ги уште малку да се исушат.
