Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
(РЕЦЕПТ) ГОТВИМЕ СО ТЕА: Васина торта – кралица на тортите уште од 1908 година!
Теа денес ни подготви една одлична идеја за мезе – мексикански чипс.
„Толку брзо ќе го изедете, што нема да дочекате ни филмот да започне“.
Потребни состојки:
- 150гр. мелено месо
- 3 тортиљи
- 2-3 лажици доматен сос
- 1 помала главица кромид
- 2-3 лажици пченка
- 2-3 лажици црвен грав
- 1 домат ситно сецкан
- 50гр. рендан кашкавал
- чили во прав
- сол и црн бибер
- мешан сув зеленчук – масло за јадење
View this post on Instagram
Подготовка:
– Во загреано масло го ставате ситно исецканиот кромид да се пржи и по 2 минути пржење го додавате и месото. Кога ќе се испржи месото го додавате сосот од домати, посолувате и зачинувате со мешаниот сув зеленчук и чили во прав.
– Тортиљите ги сецкате на три-четири ленти, а потоа секоја од лентите на помали делчиња во форма на триаголник. Во тавче за печење ставете мрсна хартија и во него наредете ги исечените тортиљи. Напрскајте ги со малку масло и ставете им сол, мешан сув зеленчук и чили. Ставете ги во рерна да се печат 10 минути на 200 степени.
– Кога ќе се испечат во чинија за послужување сервирајте го чипсот така што ќе ставите еден ред од чипсот, малку мелено месо, малку црвен грав, малку пченка, малку домати и малку рендан кашкавал. Постапката повторете ја во неколку реда додека имате мастрав.
– Доколку чинијата за послужување ви е огноотпорна можете да ја вратите во рерна за кашкавалот да се стопи.
На здравје!
(РЕЦЕПТ) ГОТВИМЕ СО ТЕА: Американската класика Mac&Cheese – кремасти потпечени макарони
