За да преживее во текот на ковид-пандемијата, Панчо од „ДНК“ работеше во кујна во еден скопски локал.
Во тоа време, музичарите не настапуваа, а Панчо најде начин како да се избори во тешкиот период за нив.
По обука од две недели, Панчо во тој период работеше во пицерија во неговата населба како пица-мајстор.
– Друштво, знаеме дека од работа нема срам па затоа сакав да споделам со вас, а воедно и да се заблагодарам на тимот што ме вработи и ми даде можност да го „испечам” занаетот за пица-мајстор и додека трае пандемијата да имам некакви приходи – сподели тогаш Панчо.
Панчо тогаш го пофали и својот колега Огнен Здравковски кој работи како продавач во истиот локал и рече дека и тој одлично се снаоѓа.
– Со оглед на ситуацијата во која се наоѓаме, јас побарав работа и ми понудија зашто навистина ми треба финансисика помош, и ете ме обучуваа две недели за правење пици – рече Панчо и додаде дека работи со скратено работно време,.
