Јелена Карлеуша ноќеска се врати во Србија по неколкудневната драма со поранешниот сопруг Душко Тошиќ, кој во меѓувреме ги сменил бравите на домот во кој таа живее со нивните две ќерки.
Веднаш по пристигнувањето, пејачката се обрати до медиумите и ги откри најновите детали за ситуацијата која, како што вели, ѝ предизвикала голем стрес. ТУКА можете да ги погледнете првите фотографии од Јелена Карлеуша во станот по драмата со Душко Тошиќ.
„Сè е решено. Се крена голема прашина, а на крајот – нова брава. Навистина не знам зошто го направи тоа. Можеби треба него да го прашате. Сакав пет дена мирен одмор, но се враќам поуморна отколку што заминав. Ова беше огромен стрес и за мене и за децата“, изјави Карлеуша, осврнувајќи се и на тоа како целата ситуација ја доживеале Атена и Ника.
Таа откри дека ќерките биле видно вознемирени и дека ситуацијата тешко им паднала. „Им беше многу непријатно и се потресоа. Вие сте сведоци дека мојот живот е таков – немам мир ни два дена“, додаде таа, порачувајќи дека сите прашања поврзани со постапките на нејзиниот поранешен сопруг треба да се упатат директно до него или до неговиот адвокат.
На забелешката дека Тошиќ повикал полиција поради присуството на новинари пред куќата, Карлеуша со иронија одговори дека „секој си има некој што се бори за него“.
Таа објасни и како дознала дека бравите се сменети. „Ме информираа накратко што се случува, но сè многу брзо се среди. Се враќам дома – каде би одела ако не таму?“, рече таа.
Во врска со можната тужба против Тошиќ, Јелена изјави дека засега не презела таков чекор. „Само што слетав, сè уште не знам што точно се случува. Од Дубаи бев принудена да ја известам полицијата дека некој насилно ги сменил бравите. Сè се реши мирно и културно. Жал ми е што морам да одговарам на вакви прашања, наместо да зборувам за мојата кариера, музиката и убавите нешта. Тоа е мојата карма – за мене нема мир“, заклучи таа.
