Светлана Цеца Ражнатовиќ се огласи по историскиот успех на српската ватерполо репрезентација, која го освои златниот медал на Европското првенство.
Поп-ѕвездата преку социјалните мрежи им упати емотивна порака полна со гордост и благодарност, истакнувајќи дека уште еднаш покажале како се бори со срце за својата татковина.
„Браво, српски синови, така се сака Србија! Вие сте гордост и светлина, браво“, напиша Цеца во својата објава.
Покрај неа, честитки до златните момци упатија и Ана Севиќ, Ивана Шашиќ и Бресквица, додека Александра Јефтановиќ сподели видео од атмосферата во арената.
Меѓу првите што реагираа беше и пејачот Слоба Радановиќ, кој со хумористична порака им честиташе на шампионите.
„Има ли некој за ватерполо? Браво, браќа! Шампиони“, напиша тој.
