Рокерот Бора Ѓорѓевиќ, легендарниот фронтмен на Рибља Чорба, со денови е интубиран во Клиничко-болничкиот центар во Љубљана поради сериозни проблеми со белите дробови.
Неговата здравствена состојба дополнително се влошила, соопштуваат српските медиуми, предизвикувајќи загриженост кај обожавателите и семејството.
Веста дека Бора е приклучен на респиратор и сместен во специјално одделение, каде посетите се строго забранети, шокираше многумина.
Сепак, сопругата на Бора, Дубравка, има дозвола од болницата да биде со него во текот на целиот ден, поддржувајќи го во овие тешки моменти.
-Таму строго се забранети посети, а не е ни за посети, интубиран е. Сепак, на жената и беше дозволено да оди кај него кога сака и да остане колку што сака – рекол изворот, пренесува српски „Телеграф“.
Освен Дубравка, Бора има право да го посети уште едно лице, но само онолку колку што траат посетите, односно во времетраење од еден час:
– Покрај сопругата, тој има право да го посетува уште едно лице дневно, но само еден час за време на посетите.
