Папата Франциск ја осуди „отровната алчност“ за природни ресурси што предизвикува конфликт и експлоатација на луѓето во Демократска Република Конго.
Во Конго се некои од најголемите наоѓалишта на дијаманти, злато и благородни метали како бакар и кобалт, но земјата е погодена со војна и сиромаштија.
Папата на почетокот на посетата на Киншаса, главниот град на ДР Конго, го повика светот да не ја игнорира трагичната ситуација во земјата.
– Подалеку рацете од ДР Конго! Подалеку рацете од Африка! Престанете да ја гушите Африка, таа не е рудник за соголување, ниту е терен за грабежи. Не можеме да се навикнеме на крвопролевањето што трае со децении во оваа земја, предизвикувајќи милиони смртни случаи, истакна папата Франциск.
