Имал само 14 години кога си заминал од дома, а родителите го поддржале во одлуката самиот да си го најде својот пат. На Инстаграм е објавена ретка фотографија од родителите на пејачот Влатко Лозаноски-Лозано.
Лозано од родното Кичево на 14 години заминал во Битола, за да учи во средното музичко училиште, а потоа се преселил во Скопје, но секогаш со радост се враќа во својот град и со гордост раскажува за него.
Пејачот претходно раскажал дека секогаш кога може, оди во роднот град, се гледа со старите пријатели и ужива во домашниот ручек на својата мајка кој за него е највкусен, но во и кичевските бели печива кои се познати низ цела Македонија.
Лозано и неговата сопруга неодамна го прославија првиот роденден и крштевка на нивниот син Марко, во Марков манастир. Од овој посебен ден, тој објави фотографии, но и неговата сестра, писателката и наставник по македонски јазик Марија Лозаноска.
На едната фотографија е таа со својот внук, а на другата се родителите на Марија и на Влатко, а покрај фотографијата, таа напишала: „Со баба и дедо, а тета Маре ги слика“.
