Копањето продолжува: пронајдени живи деца, жени и мажи. УНИЦЕФ: „Уништени десетици училишта и болници“. Илјадници сирачиња. Дамаск се согласи да ги отвори премините за хуманитарна помош.
Најавата на Дамаск за отворање на два нови прекугранични премини меѓу Турција и северозападниот дел на земјата за да се овозможи премин на хуманитарна помош наменета за регионите погодени од земјотресот е „добра работа“ доколку претседателот Башар ал- Асад е „сериозен“. Ова го изјави портпаролот на американскиот Стејт департмент Нед Прајс на брифинг со новинарите.
Двајца браќа на возраст од 8 и 15 години беа спасени во турскиот град Антиохија: спасувачките тимови успеаја да ги извлечат Харун и Ејуфан Шерифоглу од урнатините 181 час по земјотресот, известува новинската агенција Анадолу.
„Кога ги видовме, го заборавивме светот, заборавивме на сè. Среќни сме“, рекол вујкото, додавајќи сепак: „штотуку ја закопавме нивната мајка. А нивниот татко е во урнатините“.
