Златан Ибрахимовиќ е човек кој никому не простува со својот став. Речиси е невозможно да се видат вистински емоции на лицето на легендарниот напаѓач, но во една емисија тој покажа дека и тој е само човек.
Ибрахимовиќ беше дел од видео повик во емисијата каде што гостуваше неговиот голем пријател, новинарот Тијс Слегерс, а имаше и многу емотивни сцени.
View this post on Instagram
Тијс е еден од ретките новинари со кои Ибрахимовиќ е во пријателски односи. Тој му помогна при пристигнувањето во Ајакс и Златан не го заборави тоа.
Тијс сега е на крајот од својот живот. Боледува од неизлечива болест (акутна леукемија) и за време на интервјуто не издржа и плачеше заедно со својот пријател.
– Тој ми беше единствен пријател кога бев млад и изгубен – рече Ибрахимовиќ со солзи во очите и продолжи:
– Немав никој во Холандија. Потоа ми се јави. Во најголем дел, новинарите ми беа непријатели, но станав добар пријател со него. Тијс ми помогна и ми ја даде потребната поддршка. За него пишував и во мојата книга. Секогаш бевме во контакт и тој секогаш ќе биде во моето срце.
View this post on Instagram
Тогаш солзите почнаа сами да течат по прошталната порака до голем пријател.
– Тијс, само сакам да ти кажам дека те сакам пријателе – е пораката на Златан Ибрахимовиќ кој покажа дека е вистинска човечка големина.
Een emotionele Zlatan Ibrahimović met prachtige woorden voor Thijs Slegers❤️
— ESPN NL (@ESPNnl) February 13, 2023
Тијс Слегрес е икона на холандското новинарство. Со оваа професија се занимава долги години, а работеше и како клупски новинар во ПСВ Ајндховен.
На овој 46-годишник му била дијагностицирана леукемија во 2020 година. Лекарите претходните денови му рекле дека нема надеж за лек и дека секој ден може да му биде последен.
View this post on Instagram
