Неда Украден и покрај тоа што 1 Мај за многумина е неработен ден, реши празникот да го искористи работно – и тоа со полна пареа.
Пејачката во еден ден сними дури четири музички спота за нови песни, од кои една е дуетска, покажувајќи дека и понатаму е исклучително активна на сцената.
„Искрено, сè е тешко. Треба да се собере цела екипа, а сè започнува од моментот кога ќе ја добијам песната. Јас секогаш сакам да направам некоја промена со авторите, бидејќи сакам песната да биде онаква каква што јас ја чувствувам. Но тоа сум јас – жена која знае што сака“, изјави Украден.
Таа откри и дел од својот приватен живот, осврнувајќи се на разводот.
„Јас сум 35 години среќно разведена. Зошто среќно? Затоа што разводот заврши пристојно. Тој е татко на мојата ќерка и секогаш ќе има моја почит. Да се согласувавме, немаше да се разведеме“, рече пејачката.
На прашањето дали е тешко да се следи жена како неа, Неда одговори дека силните жени не се секогаш лесни партнери.
„Кога жената е силна, тоа треба да се издржи. Можеби е и тешко, со сите патувања, обврски и луѓе околу вас. Но искрено, не сум почувствувала дека ми недостига некој – мојот живот е исполнет со убави нешта“, додаде таа.
Фотографиите можете да ги видите ТУКА.
